الثلاثاء 07 سبتمبر 2010

خاص - كما أكد وكيله: شيكابالا وصل معسكر الزمالك

الاثنين، 26 يوليو 2010 - الساعة 09:24 م شـارك
خاص - كما أكد وكيله: شيكابالا وصل معسكر الزمالك

شيكا يعود

كتب : عاطف شادى

وصل محمود عبد الرازق شيكابالا نجم نادى الزمالك فى ساعة متأخرة من صباح الثلاثاء إلى معسكر الفريق بالإسكندرية ومن المنتظر أن يتم عقد جلسة غدا مع حسام وإبراهيم حسن لتنقية الأجواء واحتواء الموقف وبالرغم من ذلك أكد مدير الكرة على ضرورة تطبيق لائحة الجزاءات على اللاعب لأنه محترف وعليه تحمل نتيجة أفعاله.

 وفى وقت سابق أكد لنا سمير عبد التواب وكيل أعمال اللاعب محمود عبد الرازق شيكابالا صانع ألعاب الزمالك أن موكله سيغادر القاهرة بعد قليل فى طريقه الى مدينة الإسكندرية للإنتظام فى معسكر الفريق فى برج العرب.

وقال عبد التواب فى تصريحات خاصة لـGoalFmRadio.com ان هذه خطوة من جانب اللاعب لإنهاء الخلاف الذى نشأ بينه وبين المدير الفنى للزمالك حسام حسن والذى بسببه تغيب شيكابالا منذ بداية معسكر الزمالك يوم 20 يوليو وحتى الآن.

يأتى ذلك على الرغم من ان معسكر الزمالك سينتهى يوم 28 اغسطس اى بعد يومين، وقد تغيب شيكابالا عن 3 مباريات ودية أمام الإنتاج والمنصورة والرجاء، ومن المتوقع غيابه عن مباراة الغد امام كفر الشيخ لأنه لن يكون جاهزاً بدنياً.

وكان الزمالك قد فاز على الإنتاج الحربى 3-2 وعلى المنصورة 3-2 وعلى الرجاء 5-0

إضافة تعليق
التعليقات
التعليقات الواردة في هذه الصفحة لا تعبر بالضرورة عن وجهة نظر الموقع وإنما تعبر عن وجهة نظر كاتبها أو قائلها
27/7/2010 3:27 20 PM tarek abd elshakour  بيقول:  وجهه نظر
اعتقد ان حسام حسن سيتعامل مع اللاعب بشكل عادي ولن يعطيه اكبر من حقه, ولو فعل حسام هذا انا اتفق معه لان شيكاببالا يجب ان يعلم جيدا انه لم يقدم اي شيء يحسب له مع الزمالك, وبالنسبة لحسام حسن يجب ان يسيطر علي اعصابه في تعاملات و توجيهات للاعبين لان عصبيته الزائدة وعناده لن يأتي بأي فائدة مع لاعبي هذه الايام..
27/7/2010 1:49 15 PM mohamed el damnhoury  بيقول:  يالا وربنا يوفقك
والله شيكابالا لعيب جامد جدا بس محتاج معامله نفسيه خاصه ومش عارف الزمالكويه خاييفين من الموسم اللى جاى لان الزمالك معملش صفقات جامده احب اذكر ان الزمالك عنده شيكا والمحمدى وعمرو زكى لعيبه جامده جدا مفيش منها فى مصر يعنى ياعم اعتبر الزمالك اشتراهم مش كنت هتبقى مطمن ده بالاضافه اللى القيصر فتح الله وعاشور الدهم وابراهيم صلاح وربنا يوفق انشرررررررررررررررررررررررررررر
27/7/2010 11:15 04 AM صلاح جاد  بيقول:  كابتن حسام كله شتيمه شتيمة مفيش نوجيه !؟؟
طبعا ليه حق يعنى ايه مدرب يسب اللعيبة بأفظع الالفاظ !! ده عقد بين الاعب والنادي مفيهوش شتيمه مبنى على الاحترام انت مش عاجبك لعبى اركنى ع الخط هناك مليون عقاب مش سب وقلة ادب ؟ الجميع جه ع شيكا مفيش حد قال كلمة حق الا السباك اللى اسمه اسامه خليل اللى بيطلع مع الطفل المعجزة بندق في برنامجه ! عموما هذه هى اخلاق الاخوين حسن ولسه ياماالزمالك هيشوف وانا مندلوقتى بقولكم ان الدوري مش هيكمل في مصيبة هتحصل بسبب هذين البلطجيين .. هو في حد فمصر زي شيكابلا لاعيب عالمى خسارة يلعب هنا مش يبوسوا ايديهم وش وضهر انه وافق انه يلعب معاهم
27/7/2010 1:49 41 AM كاريكا  بيقول:  الى شيكابالا.... استيقظ
لا تعطى الفرصه الى محامى الشيطان لتدمير حياتك
27/7/2010 1:45 42 AM عمر خليفة  بيقول:  باذن الله عندى حل كويس
الحمد لله انا اهلاوى ، بس عندى حل لموضوع شيكابالا اولا فريق الزمالك مع حسام حسن بقي كويس فلازمن حسام يلاعب شباب زى عمر جابر ومحمد ابراهيم وكمان عنده وجيه ممكن يجيد في الناحية ديت ويكون الاسطى شيكا خارج قائمة ال 18 وذلك لمدة 3 او 4 ماتشات وربنا يوفق الزمالك ساعتها ينكسف على دمه ويعرف انه ملوش قيمة وبيه او بلاه مش فارقه لانه بصراحه شيكا دا شايف نفسه مع انه عيل اوى وعقله عقل طفل لم يتجاوز 6 سنوات ،،، علي فكر ة الزمالك لو فضل يطبطب اقولها من دلوقتى ( لا دورى ولا كاس ) حتى انتهاء عصر الطبطبة
27/7/2010 1:2 28 AM zamalekegypt  بيقول:  نصيحة يا شيكا
الحياة مش كلها فلوس يا شيكا والناس مواقف وال عملته وبتعمله عيب لحد امتى جمهور الزمالك سيغفر لك نصيحتى ان تقرأ وتتثقف وتحاول ان تفهم الحياة صح حتى لا تكون ألعوبة فى يد الطامعين والذين يتاجرون باسمك وحتى تستطيع ان تحكم على الامور ببصيرة ياشيكا .. الحياة قصيرة فلا تفقد حب جمهور الزمالك لك والايام دول فاحفظ الله يحفظك يارب تفهم الرسالة
27/7/2010 12:43 12 AM muhammad kamal  بيقول:  موعودين بالعذاب دايما وابدا
الى متى يظل جمهور الزمالك موعود بمثل هذه التصرفات الطفولية والتى تدل على عدم وجود مجلس ادارة قوى وحاسم يضع النقط فوق الحروف لان تسيب اللاعبون النجوم امام الناشئين واللاعبين الاجانب يضع الجميع فى موقف حرج ويجب حسم المواضيع بنفس طريقة جمال حمزة
26/7/2010 9:55 27 PM عصام الزملكاوى  بيقول:  ياعم فارقنا
هو احنا ناقصينك ، ياعيل ، عيب والله واحد زى ده يكون ثانى كابتن فى الزمالك ، والله لو كان حيجيب الدورى انا مش عايزه ، انا عندى الضغط وده قصر عمرى . كتك نيله
26/7/2010 9:36 54 PM كريم مخلوف  بيقول:  سبحان الله انا قريت الخبر ده 10 مرات قبل كده
يرجع ميرجعش والله ما فارقة شيكابالا عمره مخلص متش مهم اوي جاب بطولة دايما بيكسفنا في متشات الاعلي ومع ذلك بحب اشوفه في الملعب

Content on this page requires a newer version of Adobe Flash Player.

Get Adobe Flash player

التعليقات الواردة في هذه الصفحة لا تعبر بالضرورة عن وجهة نظر الموقع وإنما تعبر عن وجهة نظر كاتبها أو قائلها
حقوق التسويق و الإعلان لـ
جميع الحقوق محفوظة لـ www.GoalFMRadio.com©
تم التطوير بواسطة
حقوق الملكية | بيان الخصوصية
اسمعنا ع الهوا
اسم المستخدم:
كلمة المرور:
  تذكرني؟  |  نسيت كلمة السر
عايز تنضم لينا